Video Sources 2612 Views

  • සිංහල උපසිරැසි සමග
Bhagavanth Kesari (2023) Sinhala Subtitles

Bhagavanth Kesari (2023) Sinhala Subtitles

I Don't CareOct. 19, 2023India164 Min.Not Rated
Your rating: 0
8 1 vote

Synopsis

(Bhagavanth Kesari (2023) Sinhala Subtitles) (Bhagavanth Kesari (2023) Sinhala Sub) (Bhagavanth Kesari Sinhala Subtitles) (Bhagavanth Kesari Sinhala Sub)

සුභ දවසක් හැමෝටම ,

ඔන්න එහෙනම් වෙනදා වගේම ඔයාලට උණු උණුවෙම රස විදින්න පුළුවන් අළුත්ම තෙලුගු චිත්‍රපටයකට උපසිරැසියක් අද මම අරන් ඇවිල්ලා තියෙනවා. ඒ තමයි මේ භගවන්ත් කේසරී.. එහෙමත් නැත්නම් වනාන්තරේ පුත්‍රයාගේ ෆිල්ම් එක, අනිල් රවිපුදිගේ අධ්‍යක්ෂනයෙන් හැඩවුනු මේ සොදුරු සිනමා සිත්තම පසුගිය ඔතෝබර් 19 වෙනිදා තිරගතකිරීම් ඇරඹූ අතර එහි ආදායම දින 15ක් යන්න මත්තෙන්ම ඉන්දියානු රු. කෝටි 100 පහු කරනු ලබනවා. ඒ සමගින් බාලක්‍රිෂ්ණාගේ පිට පිට ආපු තුනම බ්ලොක්බ්ලස්ටර් බවට පත් වෙනවා. අඛන්ඩා (2021) / වීර සිම්හා රෙඩ්ඩි (2023) / භගවන්ත් කේසරී (2023).. ⭐️⭐️⭐️ හැට්ට්‍රික් බ්ලොක්බ්ලාස්ටර් ⭐️⭐️⭐️

නන්දමුරි බාලක්‍රිෂ්ණා හෙවත් බාලයියා.. ලංකාවේ ගොඩක් අය බාලයියව එයාලගේ ලිස්ට් වලින් අයින් කරලා තියෙන්නේ.. 😂.. එයාලා කියන්නෙ නම් බාලයියගේ ෆිල්ම් වල විතරයි ලූ ගුරුත්වාකර්ශනය නැත්තේ.. ඇත්තටම එහෙම බොරු ශෝ දාලා ෆිල්ම් හිට් කරන්න පුළුවන් නම් කවුරුත් කරාවි.. මම ෆිල්ම් බලන කෙනෙක් විදියට කිව්වොත් බාලයියගේ ෆිල්ම් වල එන හැම කතාවකින්ම අපිට ගන්න දෙයක් තියෙනවා වගේම ඒ ෆිල්ම් වලින් සමාජයට දෙයක් දෙන්න උත්සහා කරලා තියෙනවා

ඒවගේම තමයි ස්කන්ධ එකෙන් පස්සෙ ශ්‍රී ලීලාව අපිට මේ ෆිල්ම් එකෙන් බලාගන්න පුළුවන්, එහෙම බැලුවොත් මගෙන් ශ්‍රීලීලා බැක් ටු බැක් සබ්ටයිටල්ස්.. මේ ෆිල්ම් එකත් ශ්‍රී ලීලාට තමන් මොනවගේ දක්ෂ කෙනෙක්ද කියලා ඔප්පු කරන්න ලැබුනු ෆිල්ම් එකක් කිව්වොත් මං නිවැරදියි.. මොකද මේ ෆිල්ම් එකේදි ශ්‍රී ලීලාගෙන් උපරිමය අරගෙන තියෙනවා.

අනිත් පැත්තෙන් බැලුවොත් කාජල් අග්‍රවාල් දෂක ගණනක් ඔයාලගේ හිත් හොරා ගතපු ඇයගේ රංගනය තව අවුරුදු කීයක් ගියත් නොවෙනස්ව පවතීවි.. ඒවගේම කතාවේ දුෂ්ඨයා.. රාහුල් සාංග්විට පණ පොවන්නේ වෙනස්ම චරිතයක්. ඒ අර්ජුන් රම්පල්.. හින්දි සිනමාව දික්විජය කරපු කෙනෙක් ඔන්න තෙලිගු සිනමාව පැත්තටත් බැහැලා තියෙනවා. මම හිතන විදියට මේ එයා රංගනයෙන් දායක උනු පලවෙනි තෙලුගු ෆිල්ම් එක.

මම කලින් කිව්වත් වගේ මේ කතාව බාලක්‍රිෂ්ණා හා ශ්‍රීලීලා අතර සමසේ බෙදුනු කතාවක්, එක පැත්තකින් තමන් උපත නොදුන්නත් තමන්ගේම දුව වගේ බලාගන්න තාත්තා කෙනෙක්ගේ කතාවක්. අනිත් පැත්තෙන් අම්මා – තාත්තා ළග නැතුව මේ ලෝකය.. සමාජය ඉස්සරහා තනිවුනු දරුවෙක් වගේම එයාගෙයි එයාව තාත්තා වගේ බලා ගන්න සුපර් මෑන්ගෙයි කතාව. මේ කතාව පොයින්ට් කරලා තියෙන්නේ ලෝකේ ජීවත් වෙද්දි කාන්තාවන්ට , ගෑනු ළමයින්ට මොනවගේ ප්‍රශ්න විදින්න වෙනවද.. ඒ අභියෝග ජයගෙන කොහොමද ඉස්සරහට යන්නේ කියලා. ඒවගේම මම රෙකමන්ඩ් කරනවා මේක පවුලේ සැමට එකට හිද බලන්න පුළුවන් ලස්සන ෆිල්ම් එකක් කියලා

හරි එහෙනම් අපි කතාව පැත්තට හැරුණොත් ,

Nandamuri Balakrishna – [නේලකොන්ඩ භගවන්ත් කේසරී]
Sreeleela – [විජ්ජි ලක්ෂ්මි] / [විජ්ජි]
Kajal Aggarwal – [කච්චායිනි] / [කාචි]
Arjun Rampal – [‍රාහුල් සාංග්වි]

බන්ධනාගාර ගතව සිටින භගවන්ත් කේසරී ඇතුලේ හිටියත් එයා හොද දේ වෙනුවෙන් පෙනී හිටියා. මේ වෙද්දි බන්ධනාගාර භාර නිලධාරී ශ්‍රී කාන්ත්.. භගවන්ත්ගේ චරිතය දිහා බලලා එයා හොද කෙනෙක් කියලා විශ්වාස කරන්න ගත්තා. ඒ නිසාම ශ්‍රී කාන්ත් නිලධාරීතුමා භගවන්ත්ගේ නමත් නිදහස් හිරකාරයොන්ගේ නම් ලයිස්තුවට දාලා එයාව එළියට ගත්තා. මේ හේතුව නිසා පහුවදා ශ්‍රී කාන්ත්ගේ රස්සාවෙන් වැඩ තහනමට ලක් වෙනවා. ඒවගේම ශ්‍රීකාන්ත් ට හිටියා පුංචි දූ පැටියෙක්. එයා තමයි විජ්ජි ලක්ෂ්මි එහෙමත් නැත්නම් විජ්ජි, විජ්ජි ඉපදෙනකොටම එයාගේ අම්මා එයාව දාලා ගියපු නිසා එයා තාත්තා එක්ක තමයි හැදුනේ.. ඒවගේම විජ්ජි ටිකක් දුර්වල කෙනෙක්.. බන්ධනාගාරයේදී නිතර දැකලා හදුනගන්න භගවන්ත් සහ විජ්ජි හොද යාළුවෝ දෙන්නෙක් බවට පත් වෙනවා

හදිසියේම රිය අනතුරකට මුහුණදෙන නිලධාරී ශ්‍රීකාන්ත් එයාගේ අන්තිම මොහොතේ භගවන්ත්ට එක භාරදූර රාජකාරියක් භාර දෙනවා. ඒ තමයි එයාගේ දුවව කොහොමහරි හමුදාවට යවන එක, මොකද ශ්‍රීකාන්ත් ගේ හිතේ එයාගේ බිරිදගේ වියෝව ගැන පසුතැවීමක් තිබුනා.. ඒ වෙනුවෙන් තමයි එයා විජ්ජිව හමුදා සෙබලියක් වෙනවා බලන්න ආස උනේ.. ඉතිං ශ්‍රී කාන්ත් නිලධාරීතුමත් විජ්ජිව දාලා ගියාම ඊටපස්සේ එයාගේ අම්මත් , තාත්තත් උනේ භගවන්ත් කේසරී.. තාත්තගේ අනතුරත් එක්ක දැඩි කම්පනයකට භාජනය වෙන විජ්ජිට මේ නිසා භීතිකාවකුත් හට ගන්නවා.

භගවන්ත් කේසරීට අපි කවුරුත් නොදන්න කතාවක් තියෙනවා වගේම එයා විජ්ජිව හමුදාවට යවනවා කියලා ශ්‍රී කාන්ත්ට දුන්න පොරොන්දුව ඉටු කරන්න යන ගමනෙදි අභියෝග රාශියකට මුහුණ දෙන්න වෙනවා. ඒවගේම විජ්ජි නිසා එයාගේ පරණ යාළුවත් එයාට ආයි හම්බ වෙනවා.

ඔයාලම කතාව බලලම ඉන්නකෝ..

අතින් ටයිම් ලයින් හද හද 2400කට ආසන්න ගානක් තියෙන සබ් එකක්.. මහන්සියි.. මහන්සියි කියලා බැලුවේ නෑ.. වැඩේ කොහොමහරි ඉවර කරලා ඔන්න ඔයාලට බලන්න ගෙනල්ලා තියෙනවා. උපසිරැසි කාලරාමු සින්ක් කිරීම වෙනුවෙන් ශාන් සසංග සහෝදරයට ස්තූති වෙනවා වගේම තිරය පිටුපස ඉදන් හයියක් උනු හැමෝටම මගේ ස්තුතිය පුද කරනවා

එහෙනම් ගිහින් එන්නම් ,
තවත් අළුත් උපසිරැසියකින් ඉක්මණින් හමුවෙමු.
ඔබට ජය !

Bhagavanth Kesari (2023) Sinhala Subtitles
Bhagavanth Kesari (2023) Sinhala Subtitles
Bhagavanth Kesari (2023) Sinhala Subtitles
Bhagavanth Kesari (2023) Sinhala Subtitles
Bhagavanth Kesari (2023) Sinhala Subtitles
Bhagavanth Kesari (2023) Sinhala Subtitles
Bhagavanth Kesari (2023) Sinhala Subtitles
Original title భగవంత్ కేసరి
IMDb Rating 7.3 2,918 votes
TMDb Rating 6 2 votes

Director

Cast

Similar titles

Blowback (2022) Sinhala Subtitles
G – Zombie (2021) Sinhala Subtitles
Thimmarusu (2021) Sinhala Subtitles
Spider-Man: Across the Spider-Verse (2023) Sinhala Subtitles
Hunt (2023) Sinhala Subtitles
Ranga Ranga Vaibhavanga (2022) Sinhala Subtitles
Rider
Moonfall (2022) Sinhala Subtitles
Vikram (2022) Sinhala Subtitles
Hunt (2022) Sinhala Subtitles
Gam Gam Ganesha (2024) Sinhala Subtitles
1945 (2022) Sinhala Subtitles

Leave a comment

Name *
Add a display name
Email *
Your email address will not be published